బిపిన్ రావత్ గురించి ఈ ఆశ్చర్యకరమైన విషయాలు మీకు తెలుసా?

0 7

నిన్న మధ్యాహ్నం తమిళనాడు రాష్ట్రంలో చోటు చేసుకున్న ఘోర ప్రమాద ఘటనలో బిపిన్ రావత్ తో పాటు మరో 12 మంది ప్రాణాలను కోల్పోయారనే సంగతి తెలిసిందే. భారత చీఫ్ ఆఫ్ డిఫెన్స్ స్టాఫ్ జనరల్ గా పని చేస్తున్న బిపిన్ రావత్ వెల్లింగ్టన్ లోని డిఫెన్స్ సర్వీస్ కాలేజ్ లో లెక్చర్ ఇవ్వడానికి వెళ్లిన సమయంలో ప్రాణాలను కోల్పోయారు.

ఈ కాలేజ్ కు బిపిన్ పూర్వ విద్యార్థి కావడం గమనార్హం. ఉత్తరాఖాండ్ లోని పౌరీ జిల్లాలో బిపిన్ రావత్ జన్మించారు. డెహ్రాడూన్ లోని కాంబ్రియాల్ హాల్ పాఠశాల, సిమ్లాలోని సెయింట్ ఎడ్వర్డ్ స్కూల్ లో బిపిన్ రావత్ చదువుకున్నారు. పాఠశాల విద్య పూర్తైన తర్వాత బిపిన్ రావత్ నేషనల్ డిఫెన్స్ అకాడమీలో చేరారు. నీలగిరి జిల్లాలోని వెల్లింగ్టన్ లో ఉన్న డిఫెన్స్ సర్వీసెస్ స్టాఫ్ కాలేజ్ లో బిపిన్ రావత్ గ్రాడ్యుయేషన్ ను పూర్తి చేశారు. ఆ తర్వాత అమెరికాకు వెళ్లిన బిపిన్ రావత్ అక్కడ హైయర్ కమాండ్ కోర్స్ ను పూర్తి చేశారు. ఆ తర్వాత దేవీ అహల్య యూనివర్సిటీలో బిపిన్ రావత్ ఎంఫిల్ చదివారు. భారత సైన్యాధ్యక్షుడిగా బిపిన్ రావత్ అత్యుత్తమ సేవలను అందించారు.

దాదాపు 40 సంవత్సరాల పాటు సేవలందించిన బిపిన్ ఎన్నో శిఖరాలను అధిరోహించారు. హిందూ గర్వాలీ రాజ్ పుత్ ఫ్యామిలీలో ఆయన జన్మించారు. బిపిన్ తండ్రి ఆర్మీలో లెఫ్టినెంట్ జనరల్ హోదాలో పని చేయడం గమనార్హం. ఇండియన్ మిలిటరీ అకాడమీకి బిపిన్ అందించిన సేవలకు ఆయనకు స్వార్ద్ఆఫ్ ఆనర్ అవార్డు వచ్చింది. 1978 సంవత్సరంలో బిపిన్ ఆర్మీలో చేరారు. పది సంవత్సరాల పాటు బిపిన్ ఎన్నో తిరుగుబాటు వ్యతిరేక ఆపరేషన్లను నిర్వహించారు. ఆర్మీ చీఫ్ గా 2016 సంవత్సరంలో బిపిన్ బాధ్యతలు చేపట్టారు. బిపిన్ నేపాల్ ఆర్మీకు గౌరవాధ్యక్షులు కూడా కావడం గమనార్హం. 2016 సంవత్సరంలో జరిగిన సర్జికల్ స్ట్రైక్ కు బిపిన్ రావత్ నేతృత్వం వహించారు. సుదీర్ఘ సేవాకాలంలో బిపిన్ రావత్ ఎన్నో పతకాలను అందుకున్నారు. చౌదరి చరణ్ సింగ్ యూనివర్సిటీ నుంచి బిపిన్ రావత్ పీ.హెచ్.డీ పొందారు.

Get real time updates directly on you device, subscribe now.

You might also like
error: Content is protected !!
Karimnagar News page contents