వేగంగా వెళ్తున్న కారులో నిద్రపోయిన డ్రైవర్​,

ఎలాన్ మస్క్(Elon musk)​ సంస్థ.. టెస్లా (Tesla) తయారు చేసిన కార్లలో ఆటోపైలట్ ఫీచర్​ ఎంతో ప్రత్యేకమైనది. ఇది చాలా హైప్ తీసుకొచ్చింది. ఈ ఫీచర్ వల్ల రోడ్లపై కారు అదే సొంతంగా డ్రైవ్​ చేసుకుంటుంది. డ్రైవర్ ఉండాల్సిన అవసరమే లేదు. దీన్ని ఉపయోగించుకొని ఓ టెస్లా కారులో డ్రైవర్, ప్యాసింజర్ నిద్రపోతున్న వీడియో ఒకటి సోషల్ మీడియాలో వైరల్​గా మారింది. కారులో ఉన్న వారికి కంఫర్ట్​గానే ఉన్నా.. వీడియో చూసిన వారు మాత్రం భయపడ్డారు. అలాగే టెస్లా కార్లు భారత్​లోకి రానున్నాయని, అసలు ఈ ఫీచర్ ఇక్కడ ఉపయోగించడం అయ్యే పనేనా అని అభిప్రాయపడ్డారు.

టెస్లా ఆటో పైలట్ ఫీచర్ గురించే చర్చ విపరీతంగా నడుస్తోంది. అడ్వాన్స్ డ్రైవర్ అసిస్టెంట్స్ సిస్టమ్​, ట్రాఫిక్ సిగ్నళ్లను పాటించడం, లేన్ సెంటరింగ్​, సెల్ఫ్ పార్కింగ్​, ఆటోమేటిక్ లేన్ చేంజింగ్​, సెమీ ఆటోనమస్​ నావిగేషన్​ ఇలా ఎన్నో సదుపాయాలు ఉన్నాయి. అయినా కారుకు డ్రైవరే బాధ్యత వహించాలి. అయితే కారు వేగంగా వెళుతున్నా డ్రైవర్, ప్యాసింజర్ నిద్రపోయిన ఈ వీడియో సోషల్ మీడియాలో వైరల్​గా మారింది. ఇది ఎక్కడ జరిగిందో కరెక్ట్ లొకేషన్ తెలియకున్నా.. ఇది చూసిన నెటిజన్లు మాత్రం భయం వ్యక్తం చేశారు.

— Learn Something (@knowIedgehub) January 16, 2021

— Learn Something (@knowIedgehub) January 16, 2021

కొందరు ఇది బాధ్యత లేని పని అంటే.. మరికొందరు భయమేస్తోందని రిప్లేలు ఇచ్చారు.’నాకు ఈ చర్య ఏ మాత్రం నచ్చలేదు. ఆటో పైలట్ ఫీచర్ ఉన్నా సరే డ్రైవింగ్ చేసేటప్పుడు నిద్రపోవడం ప్రశ్నించాల్సిన విషయం, బాధ్యతారాహిత్యం’ అని ఓ నెటిజన్ ఆగ్రహం వ్యక్తం చేశారు. కాగా ఇది చాలా ప్రమాదకరం అని మరికొందరు స్పందించారు.

Driver and passenger both sleeping in Tesla 😬

via u/hasnayn123 pic.twitter.com/qUQ4p4ywCN

— Learn Something (@knowIedgehub) January 16, 2021