Print Friendly, PDF & Email

బిగ్ బాస్ విన్నర్‌గా సన్నీ, రన్నర్‌గా షణ్ముఖ్.. ఓట్ల ప్రభంజనంలో ఖమ్మం కుర్రాడిదే గెలుపు

0 13

మనం ఏం చేసినా సైన్యం ఉందని అనుకుంటాం కానీ.. ఇక్కడకి వచ్చిన తరువాత ప్రతి ఒక్కరికీ ఓ సైన్యం ఉంటుంది’.. బిగ్ బాస్ హౌస్‌లోకి అడుగుపెట్టిన తొలివారం నామినేషన్స్‌లో షణ్ముఖ్‌ని ఉద్దేశించి సన్నీ చెప్పిన డైలాగ్ ఇది. సరిగ్గా 15 వారాలు తిరిగే సరికి అక్షరాల తన మాటను నిజం చేసుకున్నాడు సన్నీ. నాలుగున్నర మిలియన్ల మంది ఫాలోవర్స్ ఉన్న షణ్ముఖ్‌ని వెనక్కి నెట్టి.. అన్నట్టుగానే తనకంటూ సైన్యాన్ని ఏర్పాటు చేసుకున్నాడు.

బిగ్ బాస్ చివరి వారం.. చివరి రోజు.. ఓటింగ్ క్లోజ్ అయ్యే కొన్ని గంటల ముందు కూడా.. షణ్ముఖ్-సిరిలకు హైప్ ఇస్తూ సిరి ఎలిమినేషన్ డ్రామాతో సన్నీ ఓట్లకు గండికొట్టాలని స్కెచ్ వేసినా.. సన్నీ‌ని అభిమానించేవాళ్లు అప్పటికే చేయాల్సిన కార్యక్రమాన్ని పూర్తి చేసేశారు.

 

మరికొన్ని గంటల్లో బిగ్ బాస్ విజేతను ప్రకటించబోతున్నారు. ఇప్పటికే అఫీషియల్ ఓటింగ్ లైన్స్ అన్నీ క్లోజ్ అయ్యాయి. అయితే విన్నర్ ఎవరు కాబోతున్నారు? ఓట్లు ఎవరికి పడ్డాయి? ఫస్ట్ ఎవరు లీస్ట్ ఎవరు అనే విషయానికి వస్తే.. అఫీషియల్ పోల్ లెక్కల్ని బయట పెట్టే అవకాశం లేదు. ఈ సీజన్‌లో ఒక్కవారం కూడా ఏ కంటెస్టెంట్‌కి ఎన్ని ఓట్లు పడ్డాయన్న లెక్కల్ని బయటపెట్టలేదు. ఇక ఫైనల్ ఓటింగ్ రిజల్ట్‌ని కూడా బయటపెట్టే అవకాశం అయితే లేదు.

అయితే ఆడియన్స్ బిగ్ బాస్ విన్నర్‌గా ఎవర్ని చూడాలని అనుకుంటున్నారు? వారి మద్దతు ఎవరికి ఉందన్న దానిపై ప్రజాభిప్రాయాన్ని సేకరిస్తూ.. ‘సమయం తెలుగు’ ఒపీనియన్ పోల్ నిర్వహించగా.. ఇందులో సన్నీకి ఏకంగా 69 శాతం మంది ఓటు వేశారు. ఇక 16 శాతం ఓట్లతో షణ్ముఖ్ రెండో స్థానంలో ఉన్నాడు. శ్రీరామ్ 11 శాతం ఓట్లతో మూడో స్థానంలో ఉండగా.. మానస్, సిరి రెండు శాతం ఓట్లతో నాలుగు,ఐదు స్థానాల్లో ఉన్నాయి.

 

ఇతర ఏ ఆన్ లైన్ పోల్ చూసుకున్నా.. సన్నీ తొలి స్థానంలోనే కొనసాగుతున్నాడు. అఫీషియల్ అన్ అఫీషియల్ అన్న విషయాన్ని పక్కనపెడితే.. ఏ పోల్‌లో అయినా ఓట్లు వేసేది ప్రేక్షకులే. అన్ అఫీషియల్ పోల్‌లో ఏదైతే రిజల్ట్ వస్తుందో.. అఫీషియల్ పోల్‌లోనూ అదే రిజల్ట్ ఉండబోతుంది. ఈ లెక్కన చూసుకుంటే.. సన్నీ భారీ ఓట్లతో సీజన్ 5 విజేతగా అవతరించబోతున్నాడని స్పష్ఠం అవుతోంది. ఇక రెండో స్థానంలో నిలిచిన షణ్ముఖ్ రన్నర్ కాబోతున్నాడు.

 

Print Friendly, PDF & Email

Get real time updates directly on you device, subscribe now.

You might also like


Social Media Auto Publish Powered By : XYZScripts.com
error: Content is protected !!
Karimnagar News page contents