ఎలన్ మస్క్ నోట శ్రీమంతుడు సినిమా మాట

న్యూ ఇయర్ సందర్భంగా ప్రపంచంలోని అత్యంత ధనవంతుడైన ఎలన్ మస్క్ ప్రపంచ యువతకు ఓ సందేశాన్నిచ్చాడు. అతడు చెప్పిన మాటల్లో ఓ మాట టాలీవుడ్ హీరో మహేశ్‌బాబు నటించిన శ్రీమంతుడు సినిమా డైలాగ్‎లా ఉండడం ఆశ్చర్యానికి గురి చేసింది. మనం సమాజం నుంచి ఎంత సహకారం తీసుకుంటున్నామో.. అంతకంటే ఎక్కువ తిరిగివ్వాలని ఎలన్ మస్క్ చెప్పాడు. ఆర్టిఫిషియల్ ఇంటెలిజెన్స్ పరిశోధకుడు లెక్స్ ఫ్రిడ్‌మాన్‌ తో జరిగిన కార్యక్రమంలో మస్క్ ఈ వ్యాఖ్యలు చేశాడు.

విద్యార్థులు పుస్తక పఠనంపై దృష్టి పెట్టాలని చెప్పారు. సాటి మానవులకు పనికొచ్చే పనులు మాత్రమే చేయాలన్నారు. నాయకుడిగా ఉండకుండా సేవకుడిగా ఉండి ప్రజలకు సాయం చేయాలని పిలుపునిచ్చారు. జీవితంలో వీలైనంత ఎక్కువ మందిని సంప్రదించండి. ప్రపంచంలోని వివిధ రకాల వ్యక్తులను సంప్రదించడం మీ సర్కిల్‌ ను విస్తరిస్తుందని ఎలన్ మస్క్ అన్నారు.