ట్విట్టర్ ఉద్యోగులకు మరో షాకిచ్చిన ఎలాన్ మస్క్

ట్విట్టర్ అధినేత ఎలాన్ మస్క్ ఉద్యోగులకు మరో షాక్ ఇచ్చారు. కంపెనీలో కొనసాగుతానని హామీ ఇవ్వడంతో పాటు టైంతో పని లేకుండా పని చేసేందుకు సిద్ధంగా ఉండాలని ఆదేశించారు. లేనిపక్షంలో 3 నెలల జీతం తీసుకుని కంపెనీ నుంచి వెళ్లిపోవాలని సూచించారు. ఈ మేరకు ట్విట్టర్ ఉద్యోగులకు సింగిల్ క్వశ్చన్ తో కూడిన ఫాంను ఈ మెయిల్ ద్వారా పంపారు. గురువారం సాయంత్రం 5 గంటల్లోపు తాను పంపిన ఫాం ఫిల్ చేసి పంపాలని గడువు విధించారు. కంపెనీలో అసాధారణ ప్రతిభావంతులకు మాత్రమే అవకాశం ఉంటుందని మస్క్ ఈ మెయిల్ లో స్పష్టంచేశారు. అయితే దీనిపై ట్విట్టర్ యాజమాన్యం స్పందించలేదు.