కోడి పుంజు చెంప పగలకొట్టిన పిల్లి..

ప్రస్తుతం అందరికీ అందుబాటులో ఉన్న సోషల్ మీడియాలో రోజూ అనేక వీడియోలు వైరల్ అవుతుంటాయి. వాటిలో జంతువుల వీడియోలు కూడా చాలా పెద్ద సంఖ్యలోనే ఉంటాయి. ఆ క్రమంలో ఎందరో ఇష్టంగా పెంచుకునే పిల్లుల, కుక్కల వీడియోలను చాలా మంది చూడడానికి ఇష్టపడతారు. అయితే తాజాగా పిల్లికి సంబంధించిన వీడియో ఒకటి నెట్టింట వైరల్‌గా మారింది. ఆ వీడియోలో ఏముందంటే ఒక పిల్లి తన పక్కన ఉన్న కోడి పుంజు చెంప మీద గట్టిగా ఒక్కటి ఇచ్చుకుంది. ఆసలు ఆ రెండు జీవాల మధ్య గొడవ ఎక్కడ మొదలయిందంటే..?

arryadenx అనే ఇన్‌స్టాగ్రామ్ ఖాతా నుంచి పోస్ట్ అయిన ఈ వీడియోలో మనం చూస్తున్న దృశ్యాల ప్రకారం.. కోళ్ల ఫారమ్‌లోని కోడి పుంజుల మధ్య ఒక పిల్లి పిల్ల ఉంది. దాని మానాన అది కెమెరా వైపు చూస్తుంది. అయితే ఆ పిల్లి పక్కనే ఉన్న కోడి దాని తల మీద పొడిచింది. దీంతో పిల్లికి కోపం తన్నుకొచ్చి.. దాని చెంప పగలకొట్టింది. కొద్ది సెకన్లే ఉన్న ఈ వీడియో నెటిజన్లను తెగ ఆకర్షించింది. అంతేకాక వీడియోను చూసిన నెటిజన్లు బాగా నవ్వేసుకుంటున్నారు.